Пайвандҳои дастрасӣ

logo-print

Поёни машваратҳои сиёсии Душанбе ва Тошканд


Машваратҳои нахустини сиёсии Тоҷикистону Узбакистон рӯзи 25 декабр дар Душанбе ба анҷом расидааст. Вазорати корҳои хориҷии Тоҷикистон мегӯяд, ки ҳайатҳои ду кишвар “вазъи кунунӣ ва самтҳои афзалиятноки муносибатҳои дуҷонибаро муҳокима карда”, дар мавриди масъалаҳои муҳими минтақаӣ ва байналмилалӣ низ суҳбат кардаанд.

Ин вазорат дар иттилоияи расмии худ гуфтааст, “масоили рушду таҳкими ҳамкориҳо дар соҳаҳои тиҷорату иқтисод, нақлиёт ва коммуникатсия, фарҳангию гуманитарӣ ва дигар арсаҳо, тавсеаи чаҳорчӯбаи шартномавӣ-ҳуқуқии ташаккулёфта мавриди баррасӣ қарор гирифтанд. Тарафҳо омодагии хешро ҷиҳати густариши минбаъдаи робитаҳои фарҳангию гуманитарӣ, илмӣ ва варзишӣ изҳор намуданд.”

Ҳайатҳои Тоҷикистону Узбакистон масъалаи дурнамои рушди минбаъдаи Созмони Ҳамкориҳои Шонгҳой ва Иттиҳоди Давлатҳои Мустақилро низ баррасӣ карда, баргузории чунин машваратҳои мунтазами сиёсиро “омили муайянсозӣ ва дарёфти роҳҳои ҳалли масъалаҳои мавҷуда” донистаанд.

XS
SM
MD
LG