Пайвандҳои дастрасӣ

Ҷасади 6 коргари дигари нафтро пайдо кардаанд


Як мақоми расмии ширкати SOCAR-и нафти Озарбойҷон гуфт, ки 7 декабр ҷасади 6 нафар кормандони дигари нафтро пайдо кардаанд. Бино ба гуфтаи ин манбаъ, ҷустуҷӯи 23 нафари дигар идома дорад.

Шоми 4 декабр тӯфон бархост ва сабаби оташ гирифтани чоҳи нафт дар обҳои Баҳри Хазар шуд. Гурӯҳҳои наҷот шумораи ҷасадҳои пайдошударо 8 нафар мегӯянд.

Балдимирзо Алигаримов-сармуҳандиси бахши истихроҷи нафт ва гази Азнефти ширкати SOCAR гуфт, ки оташнишонҳо 7 декабр дар чоҳи нафти Чироғ дар 120 километрии соҳили Озарбойҷон бо забонаҳои оташ муборизаро идома медоданд.

Мирвалӣ Қаҳрамонлӣ-раиси Кумитаи дифоъ аз ҳуқуқи кормандони нафти Озарбойҷон 5 декабр гуфт, ки 32 корманди нафт дар ин ҳодиса ба ҳалокат расидаанд. Аммо 6 декабр ширкати SOCAR гуфт, ки ҷасади 2 кормандро пайдо кардаанд ва 32 нафари дигар аз маҳли офат берун оварда шудаанд.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG