Пайвандҳои дастрасӣ

logo-print

Бар асари аз масир берун шудани қатори мусофирбар дар як минтақаи кӯҳистони ҷанубу ғарби Покистон рӯзи 17 ноябр дасти кам 12 нафар ба ҳалокат расида, тақрибан 70 каси дигар маҷрӯҳ шуданд.

Ба иттилои вазири умури дохилии вилояти Балуҷистон Сарфароз Бугтӣ, фоҷиа дар минтақаи дурдасти Болан баъди он ба вуқӯъ пайваст, ки тормозҳои қатор аз кор монданд.

Дар қатора, ки аз шаҳри Квейта, маркази Балуҷистон, сӯи шаҳри Равалпиндӣ ҳаракат мекард, тақрибан 300 мусофир нишаста буд. Мусофирони вазъашон вахим тавассути чархболҳои низомӣ ба бемористон интиқол дода шуданд.

Дар Покистон садамаҳои қаторҳо зиёд рӯй медиҳад, зеро бар асари фасод, раҳбарии номуносиб ва нарасидани маблағ қаторҳову роҳҳо сари вақт таъмир намешаванд.

XS
SM
MD
LG