Пайвандҳои дастрасӣ

Санаи баргузории бозиҳои мавқуфгузоштаи Лигаи олӣ маълум шуд


​Лигаи миллии футболи Тоҷикистон санаи баргузории бозиҳои мавқуфгузоштаи Лигаи олиро эълон кард.

Лигаи миллии футболи Тоҷикистон санаи баргузории бозиҳои мавқуфгузоштаи мусобиқаи қаҳрамонии кишвар байни дастаҳои лигаи олиро эълон кард. Бозии мавқуфгузоштаи даври 15-ум байни ду дастаи Душанбе - «Истиқлол» — ССКА «Помир» рӯзи чоршанбеи 21 октябр дар Варзишгоҳи марказии пойтахти кишвар баргузор мешавад.

Бозии мавқуфмондаи даври 14-ум миёни дастаҳои «Регар-ТадАЗ»-и Турсунзода — «Вахш»-и Қӯрғонтеппа рӯзи шанбеи 24 октябр дар варзишгоҳи «Металлург» барпо мегардад. Бозии даври 16-ум байни дастаҳои «Истиқлол» — «Парвоз»-и Бобоҷон Ғафуров панҷ рӯз пештар, яъне 26 октябр барпо мегардад. Зеро ки 31 октябр дар Варзишгоҳи марказии Душанбе “Истиқлол” дар бозии ниҳоии Ҷоми AFC-2015 бо тими “Ҷоҳор Дорул Такзим”-и Малайзия рақобат хоҳад кард.

Инчунин бозии даври 16-ум байни дастаҳои «Барки тоҷик»-и Душанбе ва «Регар-ТадАЗ» аз 31 октябр ба 2 ноябр гузаронида шудааст.

Чемпионати Тоҷикистон. Лигаи олӣ. Бозиҳои мавқуф гузошташуда

Бозии даври 15-ум

21 октябр (чоршанбе)

Оғози бозӣ – соати 15:00

«Истиқлол» — ССКА «Помир»

Душанбе, Варзишгоҳи марказии ҷумҳуриявӣ

Бозии даври 14-ум

24 октябр (шанбе)

Оғози бозӣ – соати 15:00

«Регар-ТадАЗ» — «Вахш»

Турсунзода, варзишгоҳи «Металлург»

Бозии даври 15-ум

26 октябр (душанбе)

Оғози бозӣ – соати 15:00

«Истиқлол» — «Парвоз»

Душанбе, Варзишгоҳи марказии ҷумҳуриявӣ

Бозии даври 16-ум

2 ноябр (душанбе)

Оғози бозӣ – соати 15:00

«Барқи тоҷик» — «Регар-ТадАЗ»

Душанбе, майдони эҳтиётии Варзишгоҳи марказӣ

XS
SM
MD
LG