Пайвандҳои дастрасӣ

Сафорати Қирғизистон дар Белорус фаъол шуд


Сафорати Қирғизистон дар Белорус баъд аз се сол дубора фаъол шуд. Намояндаи вазорати корҳои хориҷии Қирғизистон Нурлан Суйерқулов хабар дод, ки дар аввали ҳафтаи ҷорӣ сафири Қирғизистон Кубаничбек Омуралиев ба раиси ҷумҳури Белорус Александр Лукашенко эътимодномаи худро супорид.

Дар моҳи августи соли 2012 баъд аз сарпечии Минск аз истирдоди раиси собиқи ҷумҳурии Қирғизистон Қурмонбек Боқиев ва аъзои оилааш ба Бишкек сафири Қирғизистон дар Белорус фаро хонда шуд.

Дар Қирғизистон Қурмонбек Боқиев ба иттиҳоми куштори даҳҳо нафар эътирозгарон, ки боиси барканориаш аз вазифаи раиси ҷумҳури Қирғизистон дар соли 2010 шуда буданд, ғоибона ба ҳукми абад маҳкум шудааст.

Боқиев ва бархе аз хешовандону шариконаш дар Белорус зиндагӣ мекунанд. Минск борҳо дархостҳои Бишкекро барои истирдоди Боқиев ва бархе аз ҳамроҳонаш рад кардааст.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG