Пайвандҳои дастрасӣ

logo-print

20 ҳамлаи нави ҳавопаймоҳои Русия дар Сурия


Яке аз маконҳои бомбгузоришуда дар Сурия

Яке аз маконҳои бомбгузоришуда дар Сурия

Ҳавопаймоҳои ҷангии Русия дар 24 соати охир дар Сурия 20 ҳамлаи ҳавоӣ анҷом додаанд. Сухангӯи вазорати дифои Русия Игор Конашенков рӯзи 3 октябр гуфт, 9 мавқеи созмони тундрави “Давлати исломӣ” ҳадаф қарор гирифтанд. Ӯ афзуд, дар ин ҳамлаҳо аз ҷангандаҳои СУ-34 ва СУ-24М истифода шудааст. Конашенков гуфт, нирӯҳои ҳавоии Русия як урдугоҳи “Давлати исломӣ”-ро зарба зада, 7 макони таслиҳоти вазнини ин созмонро бомбборон кардаанд. Русия аз рӯзи 30 сентябр ба ҳамлаҳои ҳавоӣ дар Сурия оғоз кард, ки марҳалаи нави дахолати хориҷӣ дар ҷанги чорсола дар ин кишвари арабиро боз мекунад. Амрико бо изҳори нигаронӣ мегӯяд, Русия то ҳол бештар мухолифини мӯътадили режими Башор Асадро ҳадаф қарор додааст, то мавқеъҳои “Давлати исломӣ”-ро.

XS
SM
MD
LG