Пайвандҳои дастрасӣ

Доварони мусобиқаи интихобии қаҳрамонии Осиё-2016 дар Душанбе


Доварони мусобиқаи интихобии қаҳрамонии Осиё-2016 дар Душанбе маълум шуданд.

Доварони мусобиқаи интихобии қаҳрамонии Осиё-2016 байни футболбозони синашон зери 19-сола дар гурӯҳи “F”, ки аз 2 то 6 октябр дар Варзишгоҳи марказии Душанбе баргузор мешавад, маълум шуданд.

Ба иттилои Федератсияи футболи Тоҷикистон, бозиҳои ин мусобиқаро чаҳор довари ФИФА – Пратап Сингх (Ҳиндустон), Алӣ Шаъбон (Кувайт), Нивон Робеш Гаминӣ ва Ашантха Приядхаршана Диас Понхен Хадига (ҳарду – Шри-Ланка), инчунин панҷ ёвари довари ФИФА – Санҷива Премалал Веллабада, Иран Удаякантха Локу Кастходаҷе, Параккрама Хематхунга Дени Гедара Палитха (ҳама – Шри-Ланка), Алӣ Беҳзод (Кувайт) ва Абдулло Ал-Шаммахӣ (Умон) ҳакамӣ мекунанд.

Нозири доварон Исмоил Иброҳим Сафирӣ аз Эрон, комиссарони бозиҳо Муҳаммад Сайфуддин Бин Абу Бакар (Малайзия) ва Солеҳ Абдулло Муҳаммад Ал-Форсӣ (Умон) мебошанд.

Мунтахаби ҷавонони Тоҷикистон дар мусобиқаи интихобии қаҳрамонии Осиё-2016 дар гурӯҳи “F” дар Варзишгоҳи марказии Душанбе бо дастаҳои Ироқ (2 октябр), Баҳрайн (4 октябр) ва Молдив (6 октябр) рақобат мекунад. Бозиҳо бо ширкати мунтахаби Тоҷикистон соати 18:00 шурӯъ мешаванд.

Қисми ниҳоии мусобиқаи қаҳрамонии Осиё байни бозигарони синашон зери 19-сола соли 2016 дар Баҳрайн барпо мегардад. Ба даври ниҳоӣ ғолибони 10 гурӯҳи интихобӣ ва 5 мунтахаб аз рӯи беҳтарин нишондодҳо байни тимҳои ҷойҳои дувумро ишғолкарда роҳ меёбанд.

Агар мунтахаби ҷавонони Баҳрайн дар гурӯҳи “F” мақоми аввалро касб кунад ва ё дар байни панҷ дастаи беҳтарини ҷойҳои дувумро ишғолкарда ҷойгир шавад, он гоҳ дастаи беҳтарини шашум аз ҳисоби тимҳои ҷойҳои дувумро ишғолкарда шонздаҳумин ширкаткунандаи чемпионати Осиё-2016 мешавад.

Тақвими бозиҳои гурӯҳи «F»:

Даври 1-ум

2 октябр (ҷумъа)

15:00 – Баҳрайн – Молдив

18:00 – Ироқ – Тоҷикистон

Даври 2-юм

4 октябр (якшанбе)

15:00 – Молдив – Ироқ

18:00 – Тоҷикистон – Баҳрайн

Даври 3-юм

6 октябр (сешанбе)

15:00 – Ироқ – Баҳрайн

18:00 – Молдив Тоҷикистон

Машваратдодашуда

XS
SM
MD
LG