Рӯзи панҷшанбе Сенати Амрико дар нахустин райдиҳӣ натавонист аз иҷрои созишномаи ҳастаии Эрон бо шаш қудрати ҷаҳонӣ пешгирӣ кунад. Дар ин созишнома Барак Обама-раиси ҷумҳури Амрико ва раҳбарони панҷ кишвар имзо гузоштаанд.
Мухолифони ин созишнома мехостанд онро ба баррасӣ гузоранд ва аз ин роҳ бар зидди иҷрои ин созишнома рай диҳанд. Вале шумораи онҳо 58 нафарро ташкил дод ва акнун ин созишнома барои баррасӣ ба Конгресс нахоҳад рафт.
Дар изҳороти Барак Обама гуфта мешавад, ки “Сенат барои иҷрои ин созшинома қадами таърихӣ бардоштааст. Ҳадафи ин созишнома надодани имкони эҷоди аслиҳаи ҳастаӣ ба Эрон мебошад”.
