Пайвандҳои дастрасӣ

logo-print

Ашраф Ғанӣ алайҳи фасод ҷиҳод эълон кард


Ашраф Ғанӣ дар конфаронси зидди фасод

Ашраф Ғанӣ дар конфаронси зидди фасод

Раисиҷумҳури Афғонистон Ашраф Ғанӣ ба ҷиҳод алайҳи фасоду ришват даъват кард ва гуфт, ки он ба мавҷудияти давлат таҳдид мекунад.

Дар як конфаронси зиддифасод дар шаҳри Кобул рӯзи 1 сентябр сарвари Афғонистон аз рӯҳониён хост, ки мардумро барои мубориза бо фасоду ришват ташвиқ кунанд. Ашраф Ғанӣ афзуд, ки ҳукумат мубориза бо фасодро тақвият бахшидааст ва аммо барои аз беху бун баркандани он вақт зарур аст.

Ашраф Ғанӣ, ки як сол боз раҳбарии Афғонистонро бар ӯҳда дорад, тақаллуб дар қарордодҳои ҳукуматӣ, ғасби замин, тавлиди хашхош ва қочоқро аз мушкилоти аслии имрӯзи кишвар хонд.

Созмони Transparency International ё Шаффофияти Байнулмилал Афғонистонро миёни фасодзадатарин кишварҳои олам ҷой кардааст. Афғонистон ҳамчунин бузургтарин кишвари тавлидкунандаи маводи мухаддир, аз ҷумла, ҳероин маҳсуб мешавад.

XS
SM
MD
LG