Пайвандҳои дастрасӣ

Тиҷорати хориҷии Тоҷикистон дар 7 моҳи аввали соли равон чизе бештар аз 2,4 миллиард долларро ташкил дод, ки назар ба айни давраи соли гузашта 590 миллион доллар, ё 20 дарсад камтар аст. Бино ба иттилои Оҷонсии омори Тоҷикистон, ин коҳиш асосан аз ҳисоби кам шудани воридот аст, ки дар моҳҳои январ-июли соли равон 25 дарсад ё 621,7 миллион доллар ё 25 дарсад коҳиш ёфта, 1 миллиарду 866,3 миллион доллар шудааст. Содироти маҳсулоти Тоҷикистон ба хориҷ дар 7 моҳи аввали сол 6,1 дарсад ё 32,2 миллион доллар афзуда, ба 560,3 миллион доллар расидааст. Вале азбаски ҳаҷми содироти Тоҷикистон назар ба воридоташ 3 маротиба камтар аст, афзоиши содирот натавонистааст пеши коҳиши умумии ҳаҷми тиҷорати хориҷиро бигирад. Ҳаҷми солонаи тиҷорати хориҷии Тоҷикистон беш аз 4 миллиардро ташкил медиҳад, ки қариб 3 миллионаш аз ҳисоби воридот ба даст меояд. Алюминий ва пахта ҳамчунон ду маҳсулоти асосии содиротии Тоҷикистон боқӣ мемонанд.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG