Пайвандҳои дастрасӣ

Ҷангиён бостоншиноси маъруфро сар буридаанд


Ҷангиёни “Давлати исломӣ” дар шаҳри бостонии Тадмур, маъруф ба Палмира як бостоншиносро сар бурида, ҷасади ӯро дар як сутун дар маркази ин шаҳр овехтаанд. Манбаи ин хабар - раҳбари идораи давлатии ёдгориҳои бостонии Сурия Маъмун Абдулкарим гуфт, дар бораи қатли Холид Асади 82-сола, ки 50 сол боз умури ёдгориҳои бостонии Палмираро раҳбарӣ мекард, аъзои хонаводааш ба ӯ хабар додаанд. Маъмун Абдулкарим гуфт, Холид Асад тақрибан як моҳ боз таҳти боздошт ва бозпурсии ҷангиёни ин созмони тундрави суннӣ қарор дошт. Ӯ гуфтааст, “тасаввур кунед, ки сари донишмандеро, ки барои ин макон хидматҳои мондагоре кардааст, буридаанд ва ҷасади ӯ дар яке аз сутунҳои таърихӣ дар маркази шаҳр овехта шудааст.” “Давлати исломӣ” моҳи май Палмираро ғасб кард. Палмира ё Тадмур дар аҳди бостонӣ як нуқтаи муҳим дар Роҳи Абрешим ба шумор мерафт. Маъмун Абдулкарим идомаи ҳузури ҷангиёни “Давлати исломӣ” дар ин шаҳри таърихиро “лаънатбор” номидааст.

XS
SM
MD
LG