Сарвазири Ироқ Ҳайдар Ибодӣ дар чорчӯби барномаи ислоҳоте, ки рафъи фасод ва ноӯҳдабароӣ дар сутуҳи олии ҳукуматро ба ҳадаф дорад, 11 курсии кобинаи вазиронро барҳам дод. Дафтари Ибодӣ гуфт, ӯ ҷиҳати билофосила аз 33 то 22 коҳиш додани шумори аъзои кобина фармон додааст. Аз ҷумла се мақоми муовини сарвазир ва 4 вазорати ҳуқуқи башар, умури занон, умури вилоятҳо ва парлумон ва вазорати давлатӣ аз байн бурда шуда, 4 вазорати дигар бо вазоратҳои дигар муттаҳид карда мешаванд. Ҳамин тавр, вазорати илму фанноварӣ бо вазорати мактабҳои олӣ ва таҳқиқоти илмӣ ва вазорати беҳдошт бо вазорати муҳити зист як хоҳанд шуд.