Пайвандҳои дастрасӣ

logo-print

Мамнун Ҳусейн хостори ҳалли қазияи Кашмир шуд


Мамнун Ҳусейн

Мамнун Ҳусейн

Раисиҷумҳури Покистон пешниҳод ба Ҳиндустон ҳамсоя дар бораи музокироти дуҷониба оид ба ҳалли қазияи минтақаи баҳсбарангези Кашмирро такрор кард. Мамнун Ҳусейн дар як суханронӣ аз тариқи телевизион рӯзи 14 август – рӯзи истиқлоли Покистон гуфт, кишвараш ба ҳамзистии осоишта бовар дорад аммо ин маънои онро надорад, ки Исломобод таҳдидҳо ба амнияти худро нодида мегирад.

Покистону Ҳиндустон баъд аз дарёфти истиқлол дар соли 1947 барои минтақаи Кашмир се бор вориди ҷанг шуданд. Ин минтақа ҳоло ду тақсим шудааст ва ҳарду кишвар онро қаламрави худ мехонанд.

Дар ҳамин ҳол кормандони хадамоти амнияти Покистон хабар доданд, ки шоми панҷшанбе аз қаламрави ҳиндустонии Кашмир сӯи низомиёни покистонӣ оташ кушода шуд.

Намояндаи артиши Ҳиндустон дар тирандозӣ дар марз сарбозони Покистонро айбдор намуд.

XS
SM
MD
LG