Пайвандҳои дастрасӣ

Марги 5 нафар ҳангоми оббозӣ дар рӯзи Иди Фитр


Вазорати корҳои дохилии Тоҷикистон мегӯяд, дар рӯзи Иди саиди Фитр дар кишвар ҳангоми оббозӣ панҷ кас ҷон бохтаанд. Ба иттилои манбаъ, 17 июл ҷавони 22-солаи сокини ноҳияи Восеъ ҳангоми оббозӣ кардан дар дарёи Ёхсу аз беэҳтиётӣ ғарқ шуда, ба ҳалокат расидааст. “Инчунин, худи ҳамон рӯз сокини 58-солаи шаҳри Душанбе дар дарёи Кофарниҳон, ҷавонзани 31-сола ва ҷавони 22-сола - сокинони ноҳияи Бобоҷон Ғафуров дар ҳудуди ҶДММ “Ширкати кӯҳӣ-саноатии Тоҷикистону Хитой” ва духтарчаи 8-сола, сокини ноҳияи Спитамен ҳангоми оббозӣ дар канали “Нов-1” дар об ғарқ шуда, фавтидаанд,” – афзуд манбаъ. Мақомоти ВКД мегӯянд, ки ин ҳодисаҳо аз беэҳтиётӣ рух дода ва онҳо аз сокинон хостаанд, ки ба ҳангоми оббозӣ ҳушёр бошанд.

XS
SM
MD
LG