Теъдоди қурбониёни фурӯрезии як бахш аз боми казармаи ҳарбӣ дар шаҳраки Светлий, воқеъ дар канори шаҳри Омски Русия, то 24 нафар афзоиш ёфт – боз як сарбози ҷароҳатбардошта дар бемористон аз олам даргузашт.
Дафтари матбуоти вазорати дифои Русия рӯзи душанбе хабар дод , ки ҳамаи 42 низомӣ аз зери харобаҳо берун оварда шуданд.
Фоҷиа рӯзи якшанбе рӯй дод – яке аз қисматҳои бинои чаҳорошёнаи казармаи маркази таълимии Нерӯҳои десантии Русия дар шаҳраки Светлий фурӯ рехт. Ҳангоми ҳодиса дар казарма 337 сарбоз ҳузур доштанд.
