Мақомоти умури дохилии Фархор як сокини 36-солаи ин ноҳияро ба иттиҳоми қатли ҳамсараш боздошт кардаанд. Маъмурони пулис мегӯянд, ин ҳодиса 9 июли соли ҷорӣ ва дар пайи муноқишаи хонаводагӣ рух додааст. Ба иттилои манбаъ, “ин сокини Фархор бо ҳамсараш - зани 30-сола ҷангу ҷанҷол намуда, бо корди ошхонагии дар дасташбуда, 2-борӣ ба қафаси сина ва қисмати шикамаш задааст.” Ҷузъиёти дигари ин ҳодиса, бахусус сабабҳои муноқиша маълум нест. Ҳоло дар ин робита парвандаи ҷиноӣ боз шуда, тафтиш идома дорад.