Пайвандҳои дастрасӣ

Хабари нав

Додгоҳи Ҷамолиддин Маҳмудов ба таъхир уфтод


Ҷамолиддин Маҳмудов
Ҷамолиддин Маҳмудов

Муҳокимаи парвандаи Ҷамолиддин (Ҷалолиддин) Маҳмудов, узви раёсати олии Ҳизби наҳзати исломӣ ва намояндаи ин ҳизб дар Кумиссиюни марказии интихобот ва раъйпурсии Тоҷикистон ба 8 июл гузошта шуд. Исроил Мирзозода, раиси додгоҳи ноҳияи Ҳисор, ки баррасии парвандаи Маҳмудовро ба ӯҳда дорад, рӯзи сешанбе гуфт, ин ки таъхир ба сабабҳои техникӣ пеш омадааст. ​Зарафо Раҳмонӣ, вакили дифои Ҷамолиддин (Ҷалолиддин) Маҳмудов дар сӯҳбат ба Радиои Озодӣ гуфт, ба сабаби дастрас нашудани мактубе ба додгоҳ мурофиа ба вақти дигар гузаронида шуд. Ин дар ҳолест, ки ба иттилои хабарнигори Радиои Озодӣ ба манзури ширкат дар мурофиаи Ҷамолиддин (Ҷалолиддин) Маҳмудов ҳудуди 50 тан аз пайвандону ҳаводоронаш дар назди бинои додгоҳи Ҳисор ҷамъ омада буданд. Қарор аст, муҳокимаи Маҳмудов дар додгоҳи Ҳисор ба таври боз ва бо иштироки хабарнигорон сурат гирад. Додгоҳи олии Тоҷикистон рӯзи 17 июн парвандаи Ҷамолиддин Маҳмудовро, ки бар асоси моддаи 195-уми Кодекси ҷиноӣ ба ҳифзи ғайриқонунии силоҳ муттаҳам мешавад, ба додгоҳи ноҳияи Ҳисор фиристода буд.

XS
SM
MD
LG