Пайвандҳои дастрасӣ

Рӯҳонӣ хостори лағви билофосилаи таҳримҳо шуд


Ҳасан Рӯҳонӣ

Ҳасан Рӯҳонӣ

Хабаргузории Ройтерз аз қавли Ҳасан Рӯҳонӣ-раиси ҷумҳури Эрон навиштааст, ки Теҳрон созишномаи ниҳоии маҳдудияти барномаҳои ҳастаӣ бо шаш қудрати ҷаҳониро имзо намекунад, агар таҳримҳои зидди Эронро билофосила аз миён набардоранд.

Вай мегӯяд: “Мо дар ҳеҷ созишнома имзо нахоҳем гузошт, агар таҳримҳо худи ҳамон рӯ бардошта нашаванд”. Хабаргузории Ройтерз ин гуфтаи Рӯҳониро аз суханронии телевизионии 9 апрели вай иқтибос овардааст.

Вай гуфтааст, ки Эрон созишномаи бурд-бурди ҳамаи ҷонибҳои зидахли ин созишнома, яъне кишварҳои ширкаткунандаи музокиротро мехоҳад. Дар музокироти ҳастаии Эрон Амрикову Русия, Британияву Фаронса ва Олмону Чин ширкат доранд.

2 апрел ҳамаи ҷонибҳо дар Лозаннаи Шветсария эълон карданд, ки роҷеъ ба ин созишнома тафоҳум ба даст омадааст.

Амрико эълон кардааст, ки таҳримҳои зидди Эрон тадриҷан аз миён бардошта мешаванд.

XS
SM
MD
LG