Девид Родригес, генерали амрикоӣ, гуфт, ҷангҷӯёни созмони Давлати исломӣ дар шарқи Либия тамрингоҳҳо таъсис додаанд ва Иёлоти Муттаҳида онҳоро мушоҳида мекунад. Дейвид Родригес, фармондеҳи нерӯҳои Амрико, дар Африқо рӯзи 3-уми декабр дар Вашингтон ба хабарнигорон гуфт, мумкин аст, дар онҷо чандсад нафар ҷангҷӯ омӯзиш мегиранд. Ӯ фаъолиятҳои созмони Давлати исломиро дар инҷо “навруста” номид ва нагуфт, ки чанд пойгоҳ таъсис шудааст. Девид Родригес афзуд, ки ҳоло ин пойгоҳҳо ҳадафи эҳтимолии ҳамлаҳои ҳавоии Амрико нестанд. Ба қавли ӯ Амрико дар Либия нерӯи заминӣ надорад.