Эмомалӣ Раҳмон, раиси ҷумҳури Тоҷикистон, субҳи 6 октябр барои ошноӣ бо вазъи зиндагӣ ва шароити кори сокинони минтақаи ҷанубии кишвар ба вилояти Хатлон рафтааст. Дафтари матбуоти раёсати ҷумҳурӣ мегӯяд, боздиди оқои Раҳмон аз ноҳияи Панҷ оғоз ёфта, ӯ нахуст дар маросими ифтитоҳи меҳмонхонае иштирок намудааст.
Манбаъ мегӯяд, ин меҳмонхонаро, ки аз ду ошёна иборат мебошад, соҳибкор Абдусалим Қаландаров бо харҷи 2 миллиону 700 ҳазор сомонӣ сохтааст. Оқои Раҳмон, инчунин, ба ҳангоми баҳрабардорӣ аз як маркази тиҷории “Фазйи Кабир” ва як коргоҳи дӯзандагӣ ҳам иштирок карда, занонро бештар ба қолибофӣ даъват намудааст.