Пайвандҳои дастрасӣ

Додгоҳ Караҷичро "нерӯи таҳрикдиҳанда"-и қатлҳои қавмӣ хонд


Радован Караҷич

Дар Додгоҳи байнулмилалии ҷиноии Ҳейг ё Гаага рӯзи 29 сентябр давраи ниҳоии изҳори назарҳо аз рӯи парвандаи раҳбари пешини сербҳои Боснӣ Радован Караҷич шурӯъ шуд.

Додситонҳои додгоҳ Караҷичро “нерӯи таҳрикдиҳанда”-и кушторҳои қавмӣ ҳангоми ҷанги Боснӣ дар солҳои 1992-1995 номиданд ва изҳор карданд, ки ӯ масъули ҳама ҷиноёти дар ин солҳо содиршуда аст.

Айбдоркунанда талаб дорад, ки Радован Караҷич барои ҷиноёт алайҳи башарият ва ҷиноёти низомӣ, барои даст доштан дар қатли оми беш аз 7 ҳазор мусалмонҳои шаҳри Сребренитса дар соли 1995 ба ҳабси абад маҳкум карда шавад.

Радован Караҷичи 69-сола ва фармондеҳи собиқи артиши сербҳои Боснӣ Ратко Младич, ки парвандаи ӯ аз сӯи Додгоҳи Ҳейг оид ба Югославияи собиқ алоҳида бозрасӣ мешавад, гуноҳи худро ба гардан нагирифтаанд ва изҳор намуданд, ки ҳадафи онҳо – дифоъ аз мардуми серби муқими Боснӣ буд.

Радован Караҷич соли 2008, баъди 13 соли фирор дар Сербия боздошт ва ба Гаага истирдод шуд.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG