Пайвандҳои дастрасӣ

Дар Ҳинд дар ҳодисаи роҳи оҳан 21 нафар кушта шуд


Дар Ҳиндустон дастикам 21 нафар ҳангоми бархӯрди қатори мусофирбар бо рикшаи мотордор дар аёлати Биҳор ба ҳалокат расидаанд. Ғавчӯб ё шлагбауми роҳи оҳан боз будааст ва рикшаи пуродам ҳангоми гузаштан аз роҳи оҳан бо қатор бармехӯрад. Қатор ин рикашаро бо одамон то масофаи 500 метр мекашад.

Дар миёни кушташудагон 7 кӯдак ва 6 зан низ будаанд. Ришкшанишастагон аз ибодате дар як маъбади ҳиндӣ бармегаштаанд.

Ҳиндустон бузургтарин кишвари дорои шаъбакаҳои роҳи оҳан дар ҷаҳон аст ва садамаҳои роҳи оҳан дар ин кишвар зуд-зуд рух медиҳад. Моҳи май низ дар аёлати Уттар Прадеш дар шимоли Ҳинд дар ҳодисаи роҳи оҳан 40 нафар кушта шуда буданд.

XS
SM
MD
LG