Вазорати дифои Тоҷикистон мегӯяд, размоиши 500 нафар аз ҳарбиёни захиравии ноҳияи Рӯдакӣ зери унвони омодагӣ ба ҳамлаи хориҷӣ бо муваффақият ба поён расид. Сухангӯи вазорат Фаридун Маҳмадалиев, рӯзи 9 июл ба Радиои Озодӣ гуфт, бори аввал дар чунин машқҳо занон низ ширкат карданд. Вай афзуд, моҳи гузашта дар чунин размоиш дар вилояти Хатлон 5 ҳазор нафар ширкат карданд ва ҳар ду моҳ дар навоҳию вилоятҳои Тоҷикистон машқи ҳарбии шаҳрвандони ҷараён мегирад. Мавзӯи ин тамринҳо омодагӣ ба ҳамлаи ғайриинтизор аз беруни кишвар мебошад.