Пайвандҳои дастрасӣ

Дар идомаи сабқатҳои Ҷоми ҷаҳонии Бразил-2014, шаби гузашта се бозӣ доир шуд, ки ба андешаи мутахассисони футбол, шаби камҳаяҷон ва кам голе буд. Назари мухлисон ва коршиносони тоҷик ба раванди мусобиқоти футболи Ҷоми ҷаҳон-2014.

Дар нахустин бозии 17-уми июн дастаи миллии Белгия муваффақ шуд бо натиҷаи 2:1 бар Алҷазоир -- ягона намояндаи кишварҳои арабӣ дар Ҷоми ҷаҳонии имсола ғолиб ояд. Белгия дар ҳоле дар ин мусобиқа пирӯз шуд, ки дар нимаи аввали бозӣ аз Алҷазоир бо ҳисоби 1:0 ақиб афтода буд.

Дастаи Алҷазоир дар дақиқаи 25-ум аз ҳарифи пурқудрати худ пеш афтод, вале ин бозингарони умдатан ҷавони дастаи Белгия буданд, ки бо як бозии диданӣ дар дақиқаҳои 70 ва 80 дарвозаи Алҷазоирро боз карданд ва аз рақибони худ пеш афтоданд.

Баъд аз бозии Алҷазоир ва Белгия, дастаи мизбон -- Бразил бо Мексика, ки дар гурӯҳи аввал бо доштани се имтиёзӣ дар садри ҷадвал қарор доранд, вориди рақобат шуданд. Дар ин сабқат ҳеҷ яке аз дастаҳо натавонистанд, ки дарвозаи ҳарифи худро рахна кунад ва Бразил дар миёни шӯру ҳаяҷони мухлисони бешумори худ, ки умед ба қаҳрамонии тимашон доранд, дар баробари Мексика ба мусовӣ тан дод. Дар муқобил миллионҳо мухлиси дастаи Мексика аз ин мусовии тимашон дар баробари дастаи пурқудрати Бразил истиқбол намуда, ба кӯча рехтанд ва шодмонӣ намуданд.

Дар бозии савуми шаби гузашта мунтахаби миллии футболи Русия бо Кореяи Ҷанубӣ бо ҳам рақобат карданд. Дастаҳо танҳо дар нимаи дувум тавонистанд дарвозаи ҳамдигарро рахна кунанд. Дар дақиқаи 68-ум кореягиҳо ҳисобро боз намуданд ва танҳо шаш дақиқа баъд, дар дақиқаи 74-ум бозигарони Русия ҳисобро баробар намуданд.

Бо анҷоми дидори Русия ва Кореяи Ҷанубӣ, даври нахусти бозиҳои Ҷоми ҷаҳонии 2014 ба поён расид. Имшаб дар идомаи бозиҳо Ҳолланд бо Австралия рӯбарӯ хоҳад шуд, Испания дар баробари Чили қарор хоҳад гирифт ва Хорватия бо Камерун рақобат хоҳад кард.

Дар ҳоле ки рақобатҳои Ҷоми ҷаҳон-2014 дар Бразил шиддат мегирад, коршиносон ва мухлисони футбол дар Тоҷикистон низ раванди ин мусобиқотро аз наздик пайгирӣ менамоянд.

Сулаймон Бобокалонов, собиқадори футболи тоҷик ва сармураббии дастаи футболи занонаи Тоҷикистон дар бораи бозиҳои футболи Ҷоми ҷаҳон-2014 чунин ибрози андеша намуд:

Бойирҷон Эгамбердиев, яке аз дигар собиқадори футбол ва мушовири федеротсиюни футболи Тоҷикистон раванди мусобиқоти Ҷоми ҷаҳон-2014-ро чунин шарҳ дод:

Дар инҷо сӯҳбати Алимуҳаммад Мирзоев, собиқадори футболи тоҷикро мебинем, ки дар бораи бозиҳои футболи Ҷоми ҷаҳон -2014 чӣ назар дорад ва кадоме аз бозиҳои се рӯзи гузашта барояш писанд буд:

Ҳамчунин хабарнигори Радио Озодӣ дар хиёбонҳои шаҳри Душанбе бо сокинон сӯҳбат карда мавқеи онҳоро дар баробари тимҳои футбол дар бозии Ҷоми ҷаҳон пурсид. Суоли хабарнигори Озодӣ ин буд, ки дар чанд рӯзи бозиҳои футболи Ҷоми ҷаҳон кадоме аз тимҳоро мухлисӣ кардаанд?

Намоиши шарҳҳо

XS
SM
MD
LG