Пайвандҳои дастрасӣ

Хабари нав

Мулоқоти Путин, Назарбоев ва Лукашенко идома дорад


Остона, 29 май
Остона, 29 май
Дар Остона-пойтахти Қазоқистон мулоқоти раисони ҷумҳури Русияву Беларус ва Қазоқистон идома дорад. Дар поёни ин мулоқот Владимир Путин, Александр Лукашенко ва Нурсултон Назарбоев дар бораи ташкили Иттиҳодияи Иқтисодии АвруОсиё қарордод имзо мекунанд. Дар ин иттиҳодия Русия нақши раҳбариро дорад.

Ин қарордод аз 1 январи соли 2015 эътибор пайдо мекунад ва байни ин кишварҳо муқаррароти ягонаи гумрукӣ ҷорӣ мешавад, яъне ин се кишвар қаламрави ягонаи гумрукӣ дониста хоҳанд шуд.

Мунаққидон мегӯянд, ки Маскав талош дорад Иттиҳоди Шӯравиро дар шакле барқарор созад, вале Путин ин гуфтаҳоро рад мекунад. Дар поёни рӯзи 29 май руасои ҷамоҳири Арманистон ва Қирғизистон низ ба се раиси ҷумҳур ҳамроҳ хоҳанд шуд. Ин ду кишвар низ ҳавохоҳи узвият дар ин иттиҳодия ҳастанд.

Интизор меравад, ки Путин ва Назарбоев бо ҳам алоҳида мулоқот кунанд ва як қарордод дар бораи сохтмони нахустин ниругоҳи ҳастаӣ дар Қазоқистон ба имзо расонанд.
XS
SM
MD
LG