Пайвандҳои дастрасӣ

Хабари нав

Тамрини бесарнишинҳо дар Лоҳур


Дафтари матбуоти Пойгоҳи низомии Русия дар Тоҷикистон гуфт, тамрини ҳавопаймоҳои бесарнишини навъи «Гранат» ва «Застава» дар шароити кӯҳсор рӯзи 28 март дар размоишгоҳи Лоҳур, 30-километрии ҷануби пойтахти Тоҷикистон бо муваффақият доир шуд. Дафтари матбуоти пойгоҳи Русия мегӯяд, ҳавопаймоҳои бесарнишин дар муддати 10 дақиқа, ки аз фурсати барояшон пешбинишуда 2 маротиба камтар аст, тавонистаанд барои парвоз ва нобуд кардани ҳадаф омода шаванд.
Суръати ҳавопаймоҳои бесарнишине, ки ахиран пойгоҳи Русия дастрас кард, 120 километр дар соат буда, онҳо метавонанд дар баландии 3 ҳазор метр парвоз кунанд. Тамрини ҳавопаймоҳо ба хотири омодагӣ ба размоишгоҳи густардае, ки пойгоҳи 201-ум бояд дар авоили моҳи апрел баргузор кунад, анҷом шудааст.
Мақомоти Русия дар моҳи феврал хабар доданд, ки пойгоҳи 201-ум дар Тоҷикистонро бо ҳавопаймоҳои бесарнишини навъи «Застава», «Гранат» ва «Леер» тақвият мекунанд. Ин ҳавопаймоҳо сохти корхонаи "Ижмаш"-и Русия будаанд. Пойгоҳи 201 бо зери 7000 аскару афсар дар Душанбеву Кӯлоб ва Қӯрғонтеппа мустақар буда, бузургтарин пойгоҳи хориҷии нирӯҳои хушкигарди артиши Русия ба ҳисоб меравад.
XS
SM
MD
LG