Пайвандҳои дастрасӣ

Варзишгарони тоҷик дар мусобиқаи кушодаи қаҳрамонии Осиё оид ба каратэ кёкушинкай байни наврасон дар Қазоқистон панҷ медал ба даст оварданд.

Дар сабқати писарон Сироҷиддин Кароматов дар рақобатҳо дар вазни 55 кило мақоми аввалро касб карда, бо медали тилло сарфароз гашт. Ҷамол Ибодов бо медали нуқра, Хушнуд Толиев ва Рустам Амиров бо медалҳои биринҷӣ мукофотонида шуданд.

Инчунин дар сабқати занон Нилуфар Ҳасаналиева соҳиби медали биринҷӣ гардид. Дар ин бора ба радиои Озодӣ Ҳикматулло Кароматов, раиси Федератсияи каратэ кёкушинкайи Тоҷикистон, хабар дод. Вай афзуд, «дар ин мусобиқа варзишгарони 15 кишвар ширкат доштанд. Акнун варзишгарони тоҷик ба мусобиқаи қаҳрамонии ҷаҳон, ки тобистони соли равон дар Токио баргузор мешавад, омодагӣ мебинанд.»

Ба иттилои ҷаноби Кароматов ин намуди ҷопонии варзиш - каратэ кёкушинкай - дар Тоҷикистон аз соли 2004, баъди таъсиси Федератсияи миллӣ рушд ёфтааст. Дар муддати 10 сол варзишгарони тоҷик дар мусобиқоти байналмилалӣ, қитъавию ҷаҳонӣ ширкат карда, беш аз 300 медал ба даст овардаанд.

Озодӣ дар Ютуб

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG