Пайвандҳои дастрасӣ

logo-print

11 сол истисмор шудани як нобино дар Душанбе


Як сокини шаҳри Душанбе аз нобиноии як нафар истифода намуда, тайи 11 сол ӯро ба гадоӣ дар кӯчаҳои шаҳр маҷбур намуда, пул ба даст меорад.

Дафтари матуботи вазорати корҳои дохилии Тоҷикистон рӯзи 6-уми феврал иттилоъ дод, ки кормандони раёсати мубориза бо ҷиноятҳои созмонёфтаи ВКД Қурбонгул Шарифова, сокини кӯчаи Глинкаи пойтахтро боздошт карданд, ки Мирзомурод Гулов, нобинои гурӯҳи 1-ро ба хонааш ҳамчун иҷоранишин роҳ дода, аз соли 2002 ба ин тараф ӯро ба гадоӣ дар кӯчаҳои пойтахт маҷбур кардааст.

Қурбонгул Шарифова шиноснома ва дафтарчаи нафақахӯрии Мирзомурод Гуловро ба зурӣ аз дасташ гирифта, ӯро ҳар рӯз дар маконҳои серодами шаҳр ба талбандагӣ машғул медорад. Ба ҳисоби мақомот, дар ин муддат ин зан аз ҳисоби гадоии ин нобино ҷамъан 163 ҳазор сомониро иҷборан аз ӯ гирифта ва ваъда додааст, ки барояш хонаи истиқоматӣ мехарад, аммо пулҳоро барои зиндагии худаш сарф кардааст.

Кормандони умумри дохила нобино Мирзомурод Гуловро аз дасти ин зан раҳо карда, ба беморхона барои табобат овардаанд ва алайҳи Қурбонгул Шарифова бо иттиҳоми истимори инсон парванда боз кардаанд.
XS
SM
MD
LG