Дар шаҳри Душанбе, гурӯҳе аз донишмандони фаронсавӣ ба мутахассисони тоҷик шеваҳои муосири таҳқиқи дастхатҳои қадимаро дарс медиҳанд, ки дар осорхонаҳои Тоҷикистон зиёд аст. Давраи кӯтоҳмуддати омӯзишӣ бо ибтикори Пажӯҳишгоҳи забону адабиёт, шарқшиносӣ ва мероси хатти Фарҳангистони Улум ва як муассисаи таҳқиқотии Фаронса сурат мегирад. Сӣ нафар аз муҳаққиқони ҷавони тоҷик ва аз кишварҳои дигари Осиёи Марказӣ дар ин давраҳои омӯзишӣ ширкат мекунанд.
