Пайвандҳои дастрасӣ

logo-print

Мулоқоти Муҳиддин Кабирӣ бо сафири Амрико


Муҳиддин Кабирӣ, раиси ҲНИТ бо сафири Амрико дар Тоҷикистон, мулоқот кардааст. Ба навиштаи торнамои расмии ҲНИТ, Муҳиддин Кабирӣ зуҳри рӯзи ҷумъаи 6-уми декабр сафири Амрико дар Тоҷикистон хонум Сюзан Эллиотро ба ҳузур пазируфт. Ба навиштаи манбаъ, ҷонибҳо интихоботи гузаштаи президентии Тоҷикистонро мавриди баррасӣ қарор дода ва доир ба вазъи баъд аз интихоботии кишвар гуфтугӯ намудаанд. Ҷонибҳо ҳамчунин дар мавриди ҳамкорӣ бо ҳизбҳо ва ҷомеа шаҳрвандӣ сӯҳбат кардаанд. Сафири Амрико дар Тоҷикистон дар ин мулоқот пешбарии зан аз ҷониби ҲНИТ ба мақоми президентиро мусбат арёбӣ кардааст. Хотиррасон мешавем, ки дар интихоботи гузаштаи президентӣ дар Тоҷикистон, ҲНИТ номзадии Ойниҳол Бобоназароваро ба мақоми раиси ҷумҳур пешбарӣ кард, аммо бинобар ҷамъ наовардани имзоҳои матлуб, аз сабқат берун монд.
XS
SM
MD
LG