Пайвандҳои дастрасӣ

Дар чанд шаҳри Миср задухӯрдҳо миёни ҷонибдорон ва мухолифини раисиҷумҳури барканоршуда Муҳаммад Мурсӣ аз сар гирифта шуданд.

Дар Қоҳира ҳазорон нафар баъд аз намози ҷумъа ба хиёбонҳо рехта алайҳи низомиён шиор заданд. Онҳо дар даст аксҳои қурбониёни саркӯбсозии шаҳраки хаймаҳо аз сӯи полис дар рӯзи 14 августро доштанд.

Рӯзи ҷумъа полис ба хотири хатми бархӯрд дар шаҳрҳои Танта ва Маҳалла, воқеъ дар водии Нил, аз гази ашковар истифода бурд. Садҳо нафар дар ҳамоиши эътирозӣ дар шаҳри Искандария ҳам ширкат доштанд.

Намоишҳои эътирозӣ ва бархӯрдҳо бо даъвати “Эътилофи зидди кудатои Миср” мегузаранд.

Як рӯз аз ин пеш мӯҳлати вазъи фавқулодда дар Миср барои ду моҳи дигар тамдид шуд. То имрӯз беш аз 2 ҳазор ҷонибдорони ҷунбиши “Ихвон-ул-муслимин” боздошт шудаанд.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG