Пайвандҳои дастрасӣ

logo-print

Ҳимоятгари “Рубин” ба “Истиқлол” омад


Искандар Ҷалилов аз чап ва Муродҷон Умаров, мудири кулли бошгоҳи футболи «Истиқлол».

Искандар Ҷалилов аз чап ва Муродҷон Умаров, мудири кулли бошгоҳи футболи «Истиқлол».

Ҳимоятгари бошгоҳи футболи «Рубин»-и Қазон Искандар Ҷалилов дар ҳайати дастаи «Истиқлол»-и Душанбе бозӣ мекунад.

Ба иттилои Муродҷон Умаров, мудири кулли бошгоҳи футболи «Истиқлол», Искандар Ҷалилови 21-сола (қадаш 180 см, вазнаш 73 кг) то ахири сол ба иҷора гирифта шудааст. Вай 4-уми сентябр ба Душанбе омад ва дар ҳайати «Истиқлол» тамрин кард. Дар дастаи «Истиқлол» Искандар таҳти рақами 29 дар мобайни хатти дифоъ бозӣ хоҳад кард. Рӯзҳои наздик ӯ ба дархости бошгоҳ барои ширкат дар бозиҳои давраи дувуми мусобиқаи қаҳрамонии кишвар ва Ҷоми Тоҷикистон ворид мешавад.

Искандар Ҷалилов 1-уми июни соли 1992 таваллуд шудааст. Маълумоти футболро вай дар мактаби варзишии бачагонаю наврасони бошгоҳи футболи ССКА –и Маскави Русия гирифтааст. Ӯ соли 2010 ба ҳайати ҷавонони «Рубин»-и Қазон шомил шуд ва дар муддати се сол дар мусобиқаи қаҳрамонии ҷавонони Русия 60 бозӣ анҷом дод. Ним соли ахир Искандар дар бошгоҳи «Турну-Северин»-и Руминия 11 бозӣ кардааст.

Намоиши шарҳҳо

XS
SM
MD
LG