Пайвандҳои дастрасӣ

logo-print

15 кушта бар асари ҳамлаи Толибон дар Фароҳ


Дар натиҷаи ҳамлаи Толибон дар ғарби Афғонистон 15 узви полиси миллии ин кишвар ба ҳалокат расида, 10 нафари дигар ҷароҳат бардоштаанд.

Абдураҳмон Жавандай-сухангӯи раиси вилояти Фароҳ, гуфт, ки афсарони полис ҳангоми ҳаракат дар гузаргоҳи кӯҳии ноҳияи Боло Балуки ин вилоят мавриди ҳамла қарор гирифтаанд.

Дар ин ҳамла фармондеҳи полис Амонхон низ ба қатл расида, чор мошини полис тахриб шудааст.

Жавандай афзуд, ки дар ҷавоб ба афзоиши ҳамлаҳо ва ба хусус ҳамлаҳо болои нақлиёт дар роҳи пайвасткунандаи вилоятҳои қандаҳору Ҳироти Афғонистон нерӯҳои амниятӣ дар Боло Балук амалиёт низомӣ раҳандозӣ кардаанд.
XS
SM
MD
LG