Пайвандҳои дастрасӣ

logo-print

Куштори 3 фаластинӣ боиси таваққуфи музокирот шуд


Тибқи гузоришҳои расида ҳайати фаластиниҳо даври навбатии музокироти сулҳро, ки мебоист рӯзи душанбе доир шавад, лағв намудааст.

Ин тасмим баъди пахши иттилоъ дар бораи куштори се фаластинӣ дар урдугоҳи шимоли Байтулмуқаддас эълон шудааст.

Гуфта мешавад, ки нерӯҳои амниятии Исроил дар ин урдугоҳ се фаластиниро ба ҳалокат расондаанд.

Полиси Исроил иброз доштааст, ки рӯзи душанбе ба хотири ҳабси як фаластинии муттаҳам бо ҷангҷӯӣ вориди урдугоҳи Қаландия шуд, вале дар рафти ин амалиёт бархӯрд бо издиҳоми фаластинӣ ба вуқӯъ пайваст.

Мансабдорони фаластинӣ мегӯянд, ки Исроил аз силоҳи кушанда истифода бурда, даҳҳо нафарро маҷрӯҳ кардааст. Сухангӯи полиси Исроил Микӣ Розенберг изҳор намуд, ки афсарони полисро издиҳоми иборат аз тахминан якуним ҳазор фаластинӣ бо сангу зарфҳои саршор аз маводи сӯхт пешвоз гирифт.

Ба қавли Розенфелд се афсари полиси Исроил ҷароҳат бардоштаанд. Афсари дигари дафтари матбуотии полиси Исроил хонум Луба Самрӣ гуфт, ки полис фақат аз таҷҳизоте кор гирифтааст, ки барои пароканда намудани хушунат истифода мешавад.
Ҳамчунон ӯ талафоти ҷонӣ дар ин амалиётро тасдиқ накард.
XS
SM
MD
LG