Пайвандҳои дастрасӣ

Дар суфуфи раҳбарии ҳизби БААС ва мухолифон тағирот пеш омад


Ҳукумати Сурия ва мухолифони онҳо дар суфуфи раҳбарии худ тағирот ворид карданд. Ҳизби ҳокими Сурия бо номи БААС чанд нафар аз мақомтро барканор кард, ки ба он Фоурқ Шараъа низ шомил аст. Вай муддатҳост, ки аз шахситҳои содиқ ба хонаводаи раиси ҷумҳур боқӣ мондааст. Вале Шараъа мақоми худро чун муовини раиси ҷумҳур нигоҳ медорад.

Ҳизби БААС феҳристи 16 узви нави ҳайати раҳбариро чоп кардааст. Ҳамаи онҳо одамони наванд ба ҷуз аз худи Башор Асад, ки ҳамчунон Дабири Кулли ҳизб боқӣ мондааст.

Дар Туркия Ҳасан Ғитто аз мақоми нахуствазирии мухолифони Сурия истеъфо дод. Баъзеҳо дар байни мухолифони Сурия аз иртиботи Ғитто бо Қатар изҳори норизоятӣ кардаанд.
XS
SM
MD
LG