Пайвандҳои дастрасӣ

Ҳалокати 14 сарбоз ва даҳҳо толиб дар Афғонистон


Вазорати дифои Афғонистон мегӯяд, ки шабонарӯзи гузашта бар асари амалиёти низомиву ҳамлаҳои интиҳорӣ 14 сарбози ҳукуматӣ ва даҳҳо ҷангҷӯёни “Толибон” ба ҳалокат расиданд.

Дар изҳороти вазорат, ки рӯзи якшанбе нашр шуд, омадааст,се сарбози артиши миллии Афғонистон аз оташи тӯпхона ва инфиҷори минаи сарироҳӣ дар вилояти Вардак, воқеъ дар ғарби Кобул, ҷон бохтанд. Дар амалиёти низомӣ беш аз даҳ тан аз ҷангҷӯён ҳам кушта шудаанд. Ҳафт сарбози артиш бар асари таркиши минаи сарироҳӣ дар вилояти Ҳилманд ва боз чаҳор тан дар ҳодисаҳои дигар ба ҳалокат расиданд. Вазорати дифоъ мегӯяд, дар амалиёти Ҳилманд толибон 27 мусаллаҳро талаф доданд.

Ба иттилои расмӣ, аз аввалҳои сол дар ҳамлаву бархӯрдҳо беш аз 900 низомӣ ва корманди полиси Афғонистон ҷон бохтанд.
XS
SM
MD
LG