Пайвандҳои дастрасӣ

Бохти Тоҷикистон ба Кувайт дар бозии дӯстона бо ҳисоби бузург


Дастаи мунтахаби футзали Тоҷикистон дар бозии дӯстона аз тими миллии Кувайт бо ҳисоби бузурги 1:6 шикаст хӯрд.

Ин бозии санҷишӣ бо дастаи мизбон – Кувайт, ширкаткунандаи мусобиқаи охирини қаҳрамонии футзали ҷаҳон дар Тайланд, дар шаҳри Ал-Кувайт баргузор шуд. Голи ягонаи мунтахаби Тоҷикистонро Акбар Муҳаммадов ба ҳадаф расонд.


Ба иттилои дафтари матбуоти Федератсияи футболи Тоҷикистон ҷамъомади таълимиву тамринии дастаи мунтахаби футзали Тоҷикистон таҳти раҳбарии сармураббӣ Дамир Камолиддинов дар пойтахти Кувайт то рӯзи 19-уми апрел идома меёбад. Футболбозони тоҷик боз як бозии санҷишӣ анҷом хоҳанд дод.
XS
SM
MD
LG