Ноиби калони президенти Бонки ҷаҳонӣ мегӯяд, Тоҷикистонро зарур аст, ки масъалаи таъминоти барқро ҳаллу фасл кунад. Каушик Басу, ноиби калони президенти Бонки ҷаҳонӣ, 5-уми апрел зимни як нишасти матбуотӣ дар ҷавоб ба саволи хабарнигорон дар мавриди он ки чаро нерӯи барқ дар Тоҷикистон аз арзиши истеҳсолаш 6 маротиба гаронтар ба аҳолӣ фурӯхта мешавад, гуфт, Бонки ҷаҳонӣ аз он сабаб ба Тоҷикистон боло бурдани арзиши нерӯи барқро машварат медиҳад, ки дар дарозмуддат ин амал ба рушди бахши тавлидоти барқ дар кишвар мусоидат кунад.
