Пайвандҳои дастрасӣ

Ду медали муштзанҳои тоҷик дар Қазоқистон


Муштзани маъруфи тоҷик Анвар Юнусов

Муштзани маъруфи тоҷик Анвар Юнусов

Варзишгарони тоҷик дар мусобиқаи байналмилалӣ оид ба бокс барои ҷоизаҳои раиси фахрии Федератсияи бокси Қазоқистон Аскар Қулибоев ду медал ба даст оварданд.

Дар ин мусобиқа, ки дар шаҳри Уралски Қазоқистон баргузор шуд, 140 варзишгар аз панҷ кишвар – Арманистон, Қазоқистон, Қирғизистон, Русия ва Тоҷикистон ширкат доштанд.

Дар байни муштзанҳои тоҷик ду нафар – Анвар Юнусов ва Ораз Афзалшоев ба натиҷаҳои беҳтарин ноил шуданд. Муштзани маъруфи тоҷик Анвар Юнусов, барандаи медали биринҷии мусобиқаи қаҳрамонии ҷаҳон ва қаҳрамони Осиё, дар рақобатҳо дар вазни то 60 кг мақоми аввалро касб кард ва бо медали тилло сарфароз шуд.

Намояндаи дигари Тоҷикистон Ораз Афзалшоев дар вазни то 56 кг ҷойи севумро гирифт ва соҳиби медали биринҷӣ гардид.

Андешаи Шумо

Намоиши шарҳҳо

XS
SM
MD
LG