Имрӯз дар Тоҷикистон расман аз Наврӯз ҷашн мегиранд. Ба муносибати расидани соли нави форсӣ, дар Тоҷикистон аз 21 то 26 март таътил эълон шудааст. Аммо лаҳзаи баробар шудани шабу рӯз ва таҳвили сол дар Тоҷикистон алакай соати 16-у 02 дақиқаи шоми чоршанбе фаро расид. Тоҷикистон ба фарқ аз Эрон тақвими масеҳиро истифода мекунад ва аз ин рӯ, таҳвили расмии сол дар ин кишвар шаби 31 декабр ба 1 январ аст, на дар иди Наврӯз.
