Пайвандҳои дастрасӣ

Ҷанозаи 3 тоҷикро аз Русия ба Душанбе оварданд


Бино ба гузориши сомонаи «Озодагон», субҳи шанбе, 16 март, ҷанозаи 3 муҳоҷири фавтидаи тоҷикро аз Русия ба Душанбе оварданд. Марҷона Шерова, сокини 24-солаи ноҳияи Ҳисор, бар асари сӯхтор дар як ошхона дар ноҳияи Балашихаи Маскав ба ҳалокат расида, Манучеҳр Каримови 23-сола аз ноҳияи Ҷиликӯл зери дарахт монда, ҷон дода буд. Эшқобилов Турсунмурод, падари 5 фарзанд аз ноҳияи Турсунзода дар фурудгоҳи Маскав фавтидааст. Ҳамроҳ бо ин 3 ҷаноза Назришо Шеров, яке аз 6 муҳоҷири тоҷик, ки дар аввали ҳафта дар метрои Маскав аз ҷониби афроди ношинос корд хӯрда буданд, ба ватан баргашт. Наздиконаш мегӯянд, вазъаш мӯътадил аст ва таҳдиде ба саломати ӯ дигар вуҷуд надорад. Ҳарсол то 1 миллион нафар аз Тоҷикистон барои кор ба Русия мераванд. Бино ба омори расмӣ, соли гузашта дар Русия 1055 муҳоҷири тоҷик даргузаштаанд.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG