Пайвандҳои дастрасӣ

logo-print

Дастаи мунтахаби духтаронаи футболи Тоҷикистон севумин бозиашро дар мусобиқаи минтақавии қаҳрамонии Осиё дар Шри-Ланка рӯзи 7-уми март бо тими Бангладеш бо ҳисоби 2:2 анҷом дод.

Дар мусобиқаи қитъавӣ дар минтақаи Осиёи Ҷанубӣ ва Марказӣ, ки дар шаҳри Коломбо то 10-уми март идома меёбад, дастаҳои духтаронаи синнашон то 14-солаи Бангладеш, Бутан, Тоҷикистон, Шри-Ланка, Ҳиндустон ва Эрон рақобат доранд.

Тоҷикистон – Бангладеш - 2:2
Голҳо: Кришна Рани, 12 (0:1). Мавҷуда Сафарова, 35 (1:1). Мавҷуда Сафарова, 38 (2:1). Марзия, 67 (2:2).

Тоҷикистон: Зумрад Назарова, Насиба Олимова (Лайло Раҳмонова, 64), Гуландом Саидова, Наргиза Юнусова, Марҷона Файзуллоева, Матлуба Абдулова (Маҳвора Достакова, 57), Муниса Мирзоева (капитан), Мавҷуда Сафарова, Ҷонона Ҳалимова, Рухшона Мамадалиева, Дилафрӯз Шарифова.

Эрон – Бутан - 5:1

Шри-Ланка - Ҳиндустон – 0:10


Ёдовар мешавем, дастаи мунтахаби духтаронаи футболи Тоҷикистон дар аввалин бозиаш дар мусобиқаи минтақавии қаҳрамонии Осиё дар Шри-Ланка аз тими Ҳиндустон бо ҳисоби 0:3 шикаст хӯрда буд. Баъдан мунтахаби Тоҷикистон дар дувумин бозиаш бар тими Бутан бо ҳисоби 2:1 пирӯз шуд.

Мавқеи дастаҳо дар ҷадвали мусобиқа

Ҷ Дастаҳо Б Ғ М Б Т И
1. Ҳиндустон 3 3 0 0 18-1 9
2. Эрон 3 3 0 0 13-1 9
3. Тоҷикистон 3 1 1 1 4-6 4
4. Шри-Ланка 3 1 0 2 5-14 3
5.Бангладеш 3 0 1 2 3-12 1
6. Бутан 3 0 0 3 3-12 0

Тақвими ду бозии боқимондаи мунтахаби Тоҷикистон:

Даври 4-ум. 9 март, шанбе: Тоҷикистон – Шри-Ланка
Даври 5-ум. 10 март, якшанбе: Эрон– Тоҷикистон

Машваратдодашуда

XS
SM
MD
LG