Раисиҷумҳури Покистон Осифалӣ Зардорӣ рӯзи душанбе ба хотири ширкат дар расми гузоштани хишти аввали сохтмони лӯлаи гази 780- километрӣ байни ду кишвар ба Эрон сафар хоҳад кард. Ин боздиди дувуми Зардорӣ аз Эрон аз 27 феврал ба ин сӯст. Ин тарҳ мояи афзоиши нигаронии кишварҳое шудааст, ки алайҳи Эрон ба маҳзи барномаи ҳастаияш таҳримот ҷорӣ кардаанд. Мақомоти Покистон дар посух мегӯянд, ки кишварашон ба манобеъи энержӣ сахт ниёз дорад. Эрон барои сохтани бахши покистонии ин лӯлаи газ, ки ҳазинааш 1,5 миллиард доллар баровард мешавад, ним миллиард доллар ба сурати қарз пешниҳод кардааст.
Зардорӣ боз ба Эрон сафар мекунад
