Додситонии Африқои Ҷанубӣ тафсилоти тирпарронӣ дар хонаи Оскар Писториусро, ки бар асари он дар дӯст-духтари ин варзишгари маъруф ба ҳалокат расид, ошкор намуд. Рӯзи сешанбе дар шаҳри Претория ҳангоми арзёбии имкони раҳоии Писториус бар ивази гаравпулӣ додситон Геррӣ Нел гуфт, рӯзи 14-уми феврал Писториус, ки пойҳои сунъӣ роҳ мегардад, ҳафт метр қадам зада, аз пушти дари ҳаммом ба тарафи дӯст-духтараш Рива Стинкамп чор тир холӣ кардааст. Вале вакили мудофиаи Писториус мегӯяд, ки марги Стинкамп на куштор, балки тасофуди фалокатбор будааст. Писториуси 26-сола барандаи чандин медали бозиҳои паралимпӣ дар Африқои Ҷанубӣ қаҳрамон ба шумор меравад. Ӯ сарфи назар аз пойҳои сунъӣ тобистони соли гузашта дар бозиҳои олимпии Лондон бо варзишгарони солим сабқат карда буд.