Пайвандҳои дастрасӣ

Русия вакили порламони Гурҷистонро муттаҳам кард


Гивӣ Таргамадзе

Гивӣ Таргамадзе

Кумитаи бозрасии Русия мегӯяд, Гивӣ Таргамадзе-узви порламони Гурҷистон барои ташкили беназмиҳо дар Русия дар ғиёбаш маҳкум шудааст. Рӯзи панҷшанбе сухангӯи ин кумита гуфт, номи Таргамадзе ба феҳристи одамоне дохил карда мешавад, ки дар ҷустуҷӯ қарор доранд.

Ин эъломия дар Русия дар ҳоле пахш шудааст, ки Русия аз Гурҷистон номае дарёфт кардааст ва дар он гуфта мешавад, ки Таргамадзе аз масъунияти узвият дар порламон бархӯрдор нахоҳад буд.

Моҳи октябр яке аз шабакаҳои телевизионии ҷонибдори Кремл филми мустанадеро ба намоиш гузошт. Дар он Гивӣ Таргамадзе бо Сергей Удалтсов ва ду нафари дигар аз раҳбарони мухолифони сиёсии Русия мулоқот ва дар мулоқот гӯё онҳо нақшаи ташкили беназмӣ дар Русияро баррасӣ кардаанд.
Таргамадзе ин иттиҳомотро қабул надорад.
XS
SM
MD
LG