Бар асари як ҳамлаи интиҳорӣ дар шаҳри Мосули Ироқ дасти кам 8 нафар кушта шудаанд. Маъмурони пулис ва табибони ироқӣ гуфтанд, ки як маргталаб мошини бомбгузоришудаашро ба посгоҳи низомиён равон кардааст, ки дар натиҷа аз 8 нафари дигар ва аксаран сарбозон маҷрӯҳ шудаанд. Рӯзе пештар аз ин, афроди мусаллаҳ дар Мосул дар ҳамлаҳои ҷудогона чаҳор нафар аз ҷумла ду маъмури пулис ва як сарбозро куштанд. Мосул воқеъ дар 390 километрии шимоли Бағдод шаҳри сермиллат ва хонаи арабу курд ва туркманҳо аст.
