Пайвандҳои дастрасӣ

Попи Рум ба иллати "нотавонӣ" канор меравад


Бенедикти 16 дар соли 1977

Бенедикти 16 дар соли 1977

Ватикан ғайриинтизор эълон кард, ки Бенедикти 16 рӯзи 28 феврал аз мақоми попи Рум истеъфо хоҳад дод. Дар 600 соли охир ӯ нахустин раҳбари рӯҳонии калисои католикии дунё хоҳад шуд, ки истеъфо медиҳад. Бино бар баёнияи рӯзи душанбе нашршуда, Бенедикти 85-сола гуфтааст, ӯ дигар тавон надорад, зеро нирӯяш “дар моҳҳои охир бад шудааст.” Бенедикти 16 рӯзи душанбе ба Шӯрои калисо гуфт, ӯ бояд “нотавонӣ”-ашро эътироф мекард. Бино ба гузоришҳо, ин қарор роҳро барои интихоботи попи нав то поёни моҳи март боз мекунад. Кардинали собиқи олмонӣ Йозеф Ратзингер соли 2005, дар пайи даргузашти Иоан Повелли 2 попи Рум интихоб шуд. То ӯ ягон нафар дар чунин синни баланди 78 ба ин мақом нарасида буд.
XS
SM
MD
LG