Рӯзи якшанбе бар пояи солшумории чинӣ соли мор оғоз ёфт. Аз Австралия то Кореяи Ҷанубӣ миллионҳо нафар фарорасии соли нави қамариро ҷашн гирифтанд. Соати 12-шаб осмони пойтахти Чинро оташбозӣ ё худ салют равшан кард. Тибқи анъана мардуми Чин ба ин восита нерӯи бадиро аз худ дур мекунанд. Вале имсол оташбозӣ маҳдуд буд, зеро ҳафтаҳои ахир мизони партоби газҳои зараровар дар фазои Пекин хеле баланд будааст.
