Пайвандҳои дастрасӣ

Сенати ИМА номзадии Ҷон Керриро баррасӣ мекунад


Ҷон Керрӣ

Ҷон Керрӣ

Дар кумитаи равобити байнулмилалии Сенати ИМА номзадии Ҷон Керрӣ ба мақоми вазири умури хориҷии кишвар баррасӣ мешавад. Интизор меравад, ки номзадии Керрии 69-сола, сенатор аз аёлати Массачусетс пазируфта шавад - чаҳор соли ахир ӯ раҳбарии маҳз ҳамин кумитаи Сенатро бар ӯҳда дошт. Номзадии Керрӣ аз сӯи раисиҷумҳур Барак Обама пешниҳод шудааст.

Дар суханронии муқаддимотӣ Ҷон Керрӣ гуфт, ки Амрико барои таҳкими нақшаш дар олам бояд қабл аз ҳама мушкилоти молиявии худро ҳаллу фасл кунад. Ӯ дар робита ба қазияи Эрон гуфт, ИМА бояд ба қатъи коркарди барномаи ҳастаӣ аз сӯи Теҳрон муваффақ шавад. Ҷон Керрӣ иброз дошт, ки барои робитаҳои беҳтари ИМА бо Русия талош хоҳад кард.

Ҷон Керрӣ дар мақоми вазири умури хориҷии ИМА Ҳилларӣ Клинтонро иваз мекунад.
XS
SM
MD
LG