Пайвандҳои дастрасӣ

Хабари нав

Пирӯзии паҳлавонони навраси тоҷик дар Тошканд


Паҳлавонони навраси тоҷик дар мусобиқаи байналмилалӣ оид ба дзюдо, ки рӯзҳои 4-6-уми январ дар Тошканд баргузор шуд, 7 медал ба даст оварданд.

Ба иттилои дафтари матбуоти Кумитаи миллии олимпии Тоҷикистон дар ин мусобиқа беш аз 100 гуштигири соли таваллудашон 1996-97 аз кишварҳои минтақа иштирок доштанд.

Чаҳор гуштигири ҷавони тоҷик – Эраҷ Абдуллоев (55 кг), Умед Абдураҳмонов (60 кг), Расул Саидов (73 кг) ва Сӯҳроб Давлатзода (+90 кг) бо медалҳои тилло мукофотонида шуданд. Намояндаи дигари Тоҷикистон Юсуф Каримов дар вазни то 73 кг бо медали нуқра сарфароз гашт.

Ду паҳлавони навраси тоҷик - Сироншо Меҳрубоншоев (60 кг) ва Суруш Каримов (73 кг) медалҳои биринҷӣ ба даст оварданд.
XS
SM
MD
LG